露背誘惑 瑪奇希瑪
人氣日本電玩《Shining》,有出色嘅遊戲,又有靚爆鏡嘅人物設定,難怪大受歡迎。而今次介紹嘅手辦模型,就係嚟自呢個遊戲系列PSP版《Shining Hearts》嘅女角色,有「黑衣引導者」之稱嘅瑪奇希瑪喇!
外形靚絕
呢個PSP版本嘅《Shining Hearts》,玩法有別於其他版本,事關佢糅合咗幻想RPG同交流元素。故事講述由玩家操控嘅男主角公利克,漂流到富庶嘅溫達利亞島,並同島上嘅居民及謎之少女神夜,開展一段冒險旅程,喺旅途上佢哋遇到唔同嘅人物,而瑪奇希瑪就係其中一個引領男主角不斷前進嘅神秘人物。
瑪奇希瑪同遊戲中其他女角色一樣,有着靚絕嘅外形,五官標致,身材激凸,穿上低胸露背裙時,相當性感吸引。而呢個手辦模型充分地將瑪奇希瑪誘人一面展現出嚟,手工更係相當精細,絕對係一件觀賞性極高嘅作品。
全高:約215mm
售價:¥7,140(約HK$660)
預售日期:2011年5月