認真大整蠱
正所謂三個女人一個墟，公司嘅三個女職員小美、小奇、小玲呢日喺食Lunch嗰陣，又坐埋一齊講是非，當講到老闆肥浩孤寒又鹹濕時，佢哋決定各自諗計，向肥浩作出大整蠱，一個星期後，再坐埋一齊食飯，並報告整蠱老闆嘅情況。三女如期約埋坐低講述自己整蠱肥浩嘅經過。小美就話：「上個星期一，肥浩發現屋企個水掣壞咗，搞到成日都沖唔到涼，呢件事係我做o架！」三女齊聲歡呼！然後，小奇話：「到星期三，我將佢嘅禦寒衣物收埋晒，等佢落街冷到傷風呀！」三女又再歡呼！最後到小玲話：「星期五肥浩叫我落街幫佢買一打安全套，我用針拮穿晒呀！同佢上床嘅女人就陰功喇！哈哈哈！」小玲笑到唔識收聲嘅時候，小美同小奇就嚇到當場暈倒……