聖誕禮物之上門維修

過幾日就到聖誕節，成條街都充滿聖誕氣氛，街上嘅燈飾布置、行人嘅歡樂氣氛，都瀰漫住一片聖誕節應有嘅歡騰。阿明一個人喺街行，心情就顯得更加落寞，佢自己都唔知道係因為咩原因，明明有一個好好嘅女朋友，明明可以快快樂樂咁過聖誕，點解自己會變成咁？腦海中突然浮現出女波士個樣，佢知道自己真係放唔低，呢一刻，對女波士嘅性幻想，又再充斥佢嘅腦袋！

幫手整水喉

「阿明，聖誕節去邊呀！」同事問。「冇邊度去，周圍都咁多人，都係留喺屋企休息吓。」呢個時候，女波士突然行出房，叫阿明入去。「你今晚得唔得閒？」女波士問。阿明即時嘅反應係：你又想點呀？不過佢最終抑壓住自己嘅情緒。

阿明話：「今晚得閒。」女波士：「咁你可唔可以幫幫我手，我屋企水喉壞咗，臨近假期，好多師傅都唔得閒，我真係冇辦法，你可唔可以幫幫我？」「好呀！冇問題！」阿明諗都唔諗就答應咗，因為佢知道呢個係親近女波士嘅好機會。

冰冷感覺

夜晚放工後，女波士等埋阿明一齊返屋企，喺車上，兩個人嘅距離好似拉近咗，阿明第一次坐女波士架車，坐喺佢隔籬，感覺好親密，好似一對情侶咁，再加上車外嘅燈飾好靚，令氣氛更加溫馨。

「今年嘅燈飾好似特別靚！」阿明開始胡亂找話題。「我好多年冇睇過燈飾。」女波士冷淡回應。阿明又知道自己講錯嘢，都係少說為妙。入到女波士屋企，第一個感覺就係好冰冷、好孤寂，好明顯佢係一個人住。阿明冇再細想，就開始拎出工具幫佢修理，女波士自己入咗房，留低阿明一個人喺浴室修理。

渾身濕透

差不多整咗半個鐘，終於搞掂，正當阿明準備收拾工具嘅時候，浴室嘅水喉突然爆裂，搞到水花四濺，女波士聽到巨響，立即衝入浴室幫手，一輪混亂之後，水掣被關上。但兩人身上嘅衣物都已經完全濕透，女波士嘅身材，喺濕透嘅衣服中浮現得更清晰，就連兩點粉提亦暴露於眼前。阿明不望猶自可，一望又再次舉旗，女波士今次面對面見到阿明嘅長槍，兩人無處可避，阿明鼓起最大嘅勇氣，衝上前將佢一擁入懷，然後咀落去……（待續）