北嬸搵食甚艱難

挨年近晚，又係夜遊界撲水過年嘅時候。早前我雞蟲熹收到風，唔少街女盡地一煲，希望賺得一蚊得一蚊，四出落區拉客，由朝企到晚，連深夜時段都唔放過，但客人少之又少，有街女話試過一星期只做得一個客，慘過行乞。不過，駐守深水埗嘅北嬸仲辛酸，有嫖客話見過唔少北嬸喺清晨時分，到公園、球場等地方拉晨運客，晨早流流就撩人搞嘢，命中率會有幾高？答案係近乎零，但點解呢批年過40歲嘅北嬸繼續堅持？有晨運客表示：「晨運時分經已係最多人，假如呢個時間都拉唔到客，真係返屋企瞓覺好過！」我信，事關呢個年紀嘅北嬸，冇身材冇包裝，雖然話肉價平到唔使一百蚊，但大部分嫖客都唔會幫襯，而北嬸亦明白，惟有推出廿蚊搓波波服務，賺個早餐食吓都好過冇！

雞蟲熹簡介

o係色慾界打滾多年o既色途老馬，晚晚都出去蒲，口頭禪係唔滾唔知身體好。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk