舞孃學歷高

近年o靚模熱潮籠罩香港，當然麻甩佬見到一班又後生又活潑、樣靚身材正嘅少女，唔介意露肉兼日日見報，帶嚟無限眼福，固然開心啦！但係就令到好多後生女都發o靚模夢，以為有幾分姿色，就可以靠樣搵食，荒廢學業，將心機同時間花晒嚟扮靚同瘦身上。老實講，年輕時唔讀書，到老咗嗰陣先嚟求學就太遲喇！不如學英國嘅舞孃，讀完書先出嚟搵食，或者一邊讀書一邊賺錢啦！

寓工作於娛樂

根據英國列斯大學（University of Leeds）一個針對膝上舞舞孃嘅調查發現，舞孃年薪最高可達48,000英鎊，即係有58萬多港元。佢哋嘅工作係於夜店為每枱客人跳3分鐘膝上舞，然後同客人交談，甚至作進一步交易。

不過，大家唔好睇呢班舞孃過住皮肉生涯，一定係讀書唔成先逼住賣藝賣肉喎！受訪嘅300個舞孃都同聲表示，工作令佢哋得到滿足感，因而樂意一直做落去。另外，接近25%嘅舞孃表示擁有大學學位，做舞孃只係寓工作於娛樂，絕對唔係學歷不足，搵唔到工做先做舞孃o架！