巨乳海賊娜美
要數近年最具人氣嘅日本動漫，《海賊王》絕對係其中之一。除咗扣人心弦嘅故事情節，同激烈嘅戰鬥場面外，仲有唔少出色嘅人物角色。而今次介紹嘅手辦模型，就係《海賊王》女主角之一嘅娜美喇！
曲線玲瓏
娜美呢個造型，喺《海賊王》第十部劇場版《Strong World》曾出現。故事講述喺「大海賊時代」，由草帽路飛率領嘅「草帽海賊團」，得知故鄉「東海」受到襲擊，於是取消冒險旅程回鄉。點知喺途中遇到大海賊「金獅子」獅鬼。獅鬼為咗報復，摧毀「東海」作為第一步。路飛等人為咗保衞故鄉，於是同獅鬼展開決戰。
睇番手辦模型，喺貼身吊帶裙下，將娜美嘅玲瓏浮凸身材表露無遺，驕人嘅雙峰，及渾圓嘅Pat Pat，充分展現出前凸後趷嘅美感。仲有，娜美穿上高踭鞋及吊帶絲襪，性感度爆晒燈！此外，隨模型附送娜美嘅專用武器「天候棒」，同埋小背心一件，玩家可以隨着喜好擺出唔同嘅造型。