頭髮枯黃例行公事
男士到咗中年，最常見嘅問題，就係會甩頭髮，唔知大家有冇留意，佢哋嘅頭髮大多數都會失去光澤，變得枯枯黃黃，原來係因為腎臟功能出現問題所致。不過大家又唔使擔心，頭髮枯黃同性能力完全冇關係，只係頭髮開始脫落嘅先兆啫。
頭髮變得枯黃後，最大嘅影響，就係令人失去鬥志，年輕時志比天高，但頭髮一變得枯黃之後，就好易失去鬥志，做乜嘢都會欠缺遠大目標，只望每個月能準時出糧，做一日和尚敲一日鐘，如果未有女友嘅男性，有咁嘅性格，都係疊埋心水做王老五嘞。
至於已經有女朋友嘅男士，就唔會有太大影響，特別係已婚人士，丈夫心頭唔高，就能腳踏實地，好多太太都好想丈夫係咁，但如果女友初時係喜歡佢嘅志氣，當佢一轉變後，就難免會離佢而去。佢哋喺性事方面一啲都唔上心，絕對係例行公事嘅代表。