治愈系機械人溫柔體貼氹宅男

日本人氣偶像前田敦子，最近夥拍年輕演員佐藤健，拍咗一套名為《Q10》嘅劇集，首集推出時錄得15.4%嘅收視紀錄。而故事內容講男主角愛上一個女機械人，於是近日唔少人都嚮往與機械人發展戀情，有風俗店更跟風推出機械人風俗孃應市添！

呢間位於東京五反田區嘅出張風俗店，見家陣機械人風潮咁勁，一於將舖頭改名為「五反田奇異少女屋」，副標題仲寫明「提供來自未來的治愈系美少女」。又奇異、又未來，原來就係玩「機械人」Feel，好明顯係打班宅男嘅主意。

更換程式

聽見係咪覺得好新奇，即刻蠢蠢欲動呢？未行動前，首先要先了解吓治愈系係乜嘢一回事？有睇開治愈系AV嘅人都知，治愈系代表年輕、溫柔、體貼，好似護士或者慈母咁照顧人嘅女仔，唔似得癡女咁搶韁，下下主動出擊。

治愈系囡囡，一向都係唔少宅男客人嘅最愛，依家加埋機械人嘅概念，就更加特別。據店長講，佢哋啲囡囡會表現得更加溫柔體貼，由於客人幫襯前，要喺網上登記同埋選取服務，囡囡就會好似輸入咗程式咁全部照做，絕對唔會令客人失望。當然，客人可以將服務流程隨時轉換，囡囡照樣會滿足要求，但過程中，囡囡就會提示客人程式出錯，問客人是否需要更正，若客人答是，佢哋就會回覆程式開始更換，真係好似當咗自己係機械人一樣。對於動漫迷嚟講，感覺一定好過癮，所以呢間場自推出新服務以來，反應都好熱烈。

邊做邊讚

至於玩法方面就好簡單，客人首先要喺網上揀好囡囡，之後就可以喺酒店等囡囡上門。囡囡一嚟到，會先更衣，一般嚟講都係換上女僕裝，但亦有客人會選擇女學生或者護士裝，換好後就先同客人閒談調笑熱吓身，之後就會替客人採耳或者做全身按摩。

客人瞓喺度嘅時候，可以叫囡囡講古仔或者唱歌仔，務求令客人處於完全放鬆嘅狀態，之後按摩嘅重點就會向下移，然後囡囡就會剝光豬施展渾身解數。一般情況下，由於客人瞓咗喺度就唔想郁，於是囡囡就會採取較主動嘅騎乘式體位，即使下身幾唔得閒，仍不忘用把口猛咁讚客人威猛，客人喺囡囡嘅甜言蜜語攻勢下，通常都會好快完成任務，之後囡囡會妥貼地作善後服務，至同客人齊齊手拖手離開。

收費驚人

據同機械人風俗孃玩過嘅客人喺網站留言得知，玩完除咗成身鬆晒之外，畀囡囡猛咁讚，自信心都會返晒嚟，成個人醒神晒。不過80分鐘服務就要收成¥19,000，折約HK$1,760，仲要畀入會費同點名費，加埋酒店房錢，冇HK$3,000都唔使旨意玩得到。畀咁多錢嚟試假冒嘅治愈系女機械人，似乎貴咗啲囉！