民眾最愛AV女優

如果問到老一輩對日本有咩印象，佢哋應該會表現得一臉憤慨，因為當年日軍侵華，殺害咗好多中國同胞。問到中年一輩，佢哋應該對日本嘅印象唔差，至少佢哋嘅童年有日本超人片、特攝片同卡通片陪伴成長，帶畀佢哋好多歡樂。到家陣後生一輩，一定對日本趨之若鶩，因為日本乃係潮物大國，而且盛產高質電子遊戲，當然亦出產好多索到震、令我哋甘願奉上千億子孫嘅AV女優喇！老實講，雖然中國近期同日本有唔少爭議，仲引起唔少反日浪潮，但係一有日本AV女優到訪，好似蒼井空早前訪華，即引起熱血男兒熱情撐場！可見日本AV女優對於中國國民有莫大吸引力。

大比率勝出

早前內地環球網搞咗個投票選舉，題目係「喜歡日本的甚麼？」總共有13,000名網友參加投票，結果喜歡日本車嘅佔3.94%，喜歡日本電子產品則佔14.32%，至於最大比率，大家應該唔使估都知道，就係日本AV女優喇！投票嘅網友佔55.65%（約7,294人）。其實日本人好應該參考一下呢個投票結果，因為佢哋經濟咁差，搵外匯最為急切，所以小弟提議日本人不妨以AV救國，拍大量有質素AV，打入中國市場，如果全國有百分之一粉絲支持都已經賺到笑啦！