逃出魔掌
逃出魔掌
洋仔被公司派往內地公幹已有半年，最近佢收到公司通知，要留喺當地分公司工作多半年。雖然洋仔唔覺得辛苦，但係就覺得性生活苦悶，於是趁收工，去當地嘅邪骨場幫襯！
入到場之後，經理上前熱情招呼，問洋仔：「老闆，有冇相熟技師呀？如果冇就話我知你有咩要求啦！」洋仔諗都唔諗就話：「搵個最肥、最醜兼且最口臭嘅技師畀我啦！」經理聽到之後就話：「我哋呢個場嘅技師出晒名高質喎！你係咪嚟玩嘢呀？」洋仔隨即拎出$1,000塞到經理手中話：「我唔係玩嘢，請你幫幫手啦！」經理見洋仔咁闊綽，知佢唔係嚟搞搞震，於是好聲好氣咁話：「500蚊就已經歎到最高質嘅技師，包你玩到唔捨得走，唔使要又肥又醜又口臭嘅貨色啦！」洋仔就話：「我唔係一心嚟玩邪骨，只係掛住我老婆，想搵個同我老婆差唔多嘅外形，等我再慶幸自己可以逃出佢嘅魔掌啫！」