長靴女王 興奮踩爆

日本雖然係先進國家，但係仍然存在男尊女卑的情況，好多女人結婚之後都要留喺屋企相夫教子。不過近10年當地經濟每況愈下，女人出嚟工作嘅情況愈來愈普遍，就連社會地位也提高了不少，最近更有唔少夜場專做女人生意，男女平等，指日可待。

呢間日本長靴女王俱樂部，係專為日本嘅女權主義分子而設，事關佢哋提供嘅服務，係以玩弄男人為樂。喺俱樂部裏面，女人係至高無上，男人只係畀佢哋踐踏，好似地氈一樣，毫無尊嚴。所有去光顧嘅女人，平日都一定受埋唔少男人氣，一定要發洩出嚟，如果唔係好易谷壞。

甘願受苦

唔講唔知，原來俱樂部裏面嘅男職員，唔一定係受薪o架！有部分係甘願被女人踩，完全唔收一分一毫，十分享受被虐嘅感覺。佢哋之所以咁扭曲，又係因為壓力太大，無處發洩，於是放工之後，搵人虐待自己，希望可以藉皮肉之苦來減壓。雖然咁嘅諗法十分可笑，但係就大有人在，仲益咗間俱樂部，可以慳番唔少錢。

盡情發洩

而女人入到去俱樂部當然係要做女王，所以佢哋一定會盡情發洩，除咗將男人踩喺腳下之外，有時候甚至拳打腳踢，收人工嘅被虐男梗係唔介意喇！佢哋做得呢份工，就知道要受皮肉之苦，當然俱樂部亦有專人監管，太過分嘅暴力一定會阻止。大家入嚟玩都係求開心，唔會咁傻搞出人命，所以啲女王表面上可能好兇狠，但佢哋最主要嘅目的，並唔係想使用暴力，而係想踐踏男人嘅自尊至真。

提供服飾

呢班長靴女王好鍾意聯群結隊去玩，因為一班人會比較開心，你一腳我一腳，好玩過單打獨鬥。俱樂部更會提供一些造型服飾畀客人，可以扮成OL、牛女、賽車女郎甚至學生妹都有，總之扮到成班性鬥士咁，而被虐男就永遠只得一條底褲出場，這種女尊男卑嘅場面，令不少女王覺得值回票價。