牙擦重出江湖

肥言、達叔、浩仔同埋陽陽，當年喺夜遊界叱咤風雲，但呢四個麻甩佬婚後要交出旅遊證件，24小時內一定要返屋企報到。呢晚四人喺酒吧敍舊，緬懷一下昔日光輝，肥言搶先話：「想當年我係爛Gag王，所有女都畀我氹到笑爆嘴，就算冰山都可以畀我劈開，晚晚有美相陪！」浩仔不屑道：「有乜咁巴閉！我呢個情歌冧女王，單係唱歌就已經令囡囡興奮莫名，每晚一定左擁右抱！」陽陽笑道：「唓！濕濕碎啦！我係床上翻滾小王子，床技天下無雙，每晚啲囡囡都爭住同我上床，諗起都爽呀！」坐喺一旁嘅達叔冇出聲，三人奇怪，肥言問：「達叔，你當年都好威o架！好似叫做白食No Pay最OK，晚晚專揀醜女嚟食，人稱豬扒焚化爐！」眾人大笑，達叔得戚話：「以前點威都冇用！今晚有冇人敢跟我去威呀？」三人低頭不語！達叔一笑：「未有機會同大家講！我啱啱離咗婚，可以重出江湖啦！轉頭就過大海癲番晚，係男人嘅咪跟我過去囉！我請客又點話啫……」三人苦笑，心裏恨得咬牙切齒！