修圖過晒火

電腦盛行，修圖的技術愈來愈普及，你在照片看到的，不一定會是真的。「啲鳳姐先離譜，有啲直情修都費事修，上深圳買啲影樓相就當係自己。」這些事，早就不是秘密，連不少用家都上網投訴再投訴：「打開門，細碼變咗加大碼，梗係彈佢鐘啦！」以這樣的「欺詐」手段招徠惡評，明明是生意上的下下之道，偏偏，大家依然樂此不疲？

「10個上嚟走8個，都仲賺咗2個吖，登張打晒格仔嘅真相，分分鐘一個客都冇呀。而且，我哋呢行做臭個名有咩所謂啫？咪轉個名、轉個地方，再開檔囉，有幾多人會知道吖？」一位姐姐曾經這樣跟我說。

另外，內地的邪骨場，同樣非常熱衷於改相、修圖，而且一般的「刪走粒癦、執晒啲紋身、將皮膚變番白、眼珠可唔可以大番少少？仲有個胸最少都要36吋」……已經不能滿足他們的要求。「咁搞法，客人上到嚟，盞嘈o架喎！」對於有骨場「指摘」我們的照片PS（Photoshop）得不夠程度，我對同事提出我的意見：「點搞啫，條女明明係一件又矮又肥嘅師奶，你執到變AV女優咁咪即係呃人！」但同事引述場的負責人說：「你啲行家都係咁做，乜你哋咁唔專業o架？」