Georgia Jones 大話西遊

成日都話呢個世界唔公平，女仔只要生得靚，就算講大話啲人都心甘情願畀佢呃！你話我廢話？但請閣下捫心自問，假如你隔籬有件豬扒同靚女，兩個都同樣吹水唔抹嘴，你係咪會憎樣衰嗰嗰多啲先？

拒認脫星

咁究竟幾索至可以講大話而冇人嬲呢？美國就有個人辦叫做Georgia Jones，佢畀外界稱呼佢做大話索妹，因為阿妹經常擘大眼講大話，帶大家遊花園，最經典係佢入行三年，剝乾剝淨影寫真，但都唔認自己係脫星，話自己只係成人雜誌模特兒，影相係為藝術而犧牲。歸根究柢係佢覺得脫星一詞太Cheap，有失身份，所以點都唔肯認，寧願用歪理嚟解釋。

被揭瘡疤

可惜自Georgia Jones走紅後，就被傳媒翻舊帳，踢爆阿妹早於19歲時就以素人身份出現於四仔內，只不過當年嘅佢，個鼻冇咁直，雙眼皮冇咁深，塊面亦冇咁瘦。你問點解家陣咁輪廓分明，人見人愛？我話係化妝效果你都唔信啦！當然，阿妹連脫星都唔敢認，又點會認整容呢？而現實係，即使Georgia大話再多，人氣都有升冇跌，再爆佢啲舊史，都只係幫佢免費宣傳，所以話靚女真係有着數o架！

Georgia Jones's Profile

出生日期：1988年4月4日

三　　圍：32B-21-35

身　　高：5呎7吋