圓額女 真正就得人
圓額女 真正就得人
男性額頭圓，成個月亮咁樣，為人吹毛求疵，十分奄尖，但如果囡囡額頭如月，情況竟然180º逆轉，佢哋一定唔主觀，而且十分隨和，做事常抱中庸之道，好識得為別人着想，唯一嘅缺點，就係比較貪靚，年中使唔少錢！
佢哋整體嘅運程好到不得了，讀書成績唔錯，而且深得老師同學嘅歡迎，出嚟打工，更係老闆和同事嘅寵兒，只要配合到專長，事業發展會十分順利。感情方面，又靚女又有內涵，大把人追，但由於唔敢做得太絕情，往往都會受到感情上嘅困擾。
而喺性方面，由於性格隨和，所以欠缺主動，全部都會聽命於另一半，如果對方愛追求新鮮，佢哋亦會花式多多，積極配合，成個性愛女神一樣，但如果對方係內向修士型，唔喜歡性事，咁佢哋就會跟隨對方，談個柏拉圖式戀愛都一樣可以。