全球鹹網激增

全球鹹網激增

政府有唔少宣傳片,提醒年輕人上網要慎防誤交損友。事實上,近年好多風化案都同互聯網有關,有唔少無知少女,就係因為上網同人傾偈,之後畀人呃去開房,又或者誘玩裸聊,繼而被人利用裸聊片段作威脅,逼少女出嚟見面,再被侵犯。當然,受害者唔止女仔,連男仔都有,所以上網交友真係要小心!家長們唔想仔女中招,就要留意吓佢哋平時瀏覽咩網頁。好似小弟咁,每日都要睇鹹網,一來留意「國際局勢」,睇吓呢期邊個女優最Hit,有咩最新AV碟推出,二來可以滿足自己嘅慾望,但係就發覺鹹網愈嚟愈多,多到分唔清邊個打邊個!

數目驚人

早前,美國網絡商Optenet就關注年輕人上網問題而作出調查,除咗發現最容易令年輕人沉迷、有關角色扮演網絡遊戲嘅網頁增長率高達212%之外,仲發現原來全球嘅鹹網超過400萬個,約佔全球網頁嘅37%,比起去年增加17%,令年輕人更加容易接觸到色情資訊。如果閣下有仔女,最好就幫部電腦安裝過濾軟件喇!而小弟亦一樣需要,因為好多鹹網都係帶有病毒,而且內容過激,小弟已一把年紀,自問心血少,隨時受唔住刺激暈低就無謂啦!

Max