澳門夜場走勢

澳門夜場走勢

這天來到澳門,跑了幾家場,發現幾家夜總會比起以前算是冷清,是賽車熱鬧過後的後遺症嗎?「唔係,有幾間新場開張,客人都係貪新鮮,自然扯走咗唔少客源啦。」這是事實,差不多的消費價格,新場一來有新鮮感,二來頭威頭勢一定大把美女,識途老馬自然懂得選擇。

去到另一家新開豪場,跟負責人談起最近一些有關他們的風評:香港囡囡的上班時間問題,他回應道:「其實只係咁啱嗰日冇返先畀人講啫,今日都有六個喺度。啲香港女仔,好多時放假都係一齊放,尤其是揀啱星期日,其實只要就啱時間,一定齊人。」明白了。

去到桑拿,場面倒是十分熱鬧,看看錶,晚上九時許,開始進入生意黃金時段:「唔同嘅,夜總會做開係嗰班客,好難搶到我哋嘅。」不過,他們最近倒「吸」了不少在Club上班的女孩過檔,「啲女仔就係咁,邊度搵到錢就去邊度,咁相比起嚟,桑拿一向都係密密做,唔怕辛苦嘅,喺度返工可以做嘅轉數又的確比夜總會多喎。以前靚女驚做殘自己,依家錢最緊要,快快搵完走人,條數一樣喺番度。」