世界波：對手啱Feel砌得爽

外國四仔脫星跟日本AV女優有個分別，就係佢哋冇身不由己呢回事，一旦打出名堂，公司就會買佢怕，唔會逼佢接拍唔願意演出嘅片種，更有權揀選對手。好似Alektra Blue就係其中之一，佢話雖然係拍戲，唔係做人世，但話晒都要埋身肉搏，梗係揀個自己有好感嘅，砌都砌得投入啲嘛！

加入四仔界已有3年嘅Alektra，有田園女王之稱，皆因佢大部分嘅作品，都係喺鄉郊田園取景，所以深得一眾鄉村四仔迷歡心。最近Alektra向傳媒透露，拍多一年戲便收山，轉營投資拍四仔，自己做老闆娘咁話，而引退之前，自然對男主角嘅要求愈嚟愈高，唔合眼緣嘅唔要，唔夠耐力嘅亦唔要，唔夠Size嘅更加唔要，阿妹好似揀老公咁，認真難服侍。

中看中用

Alektra話自己對男主角嘅要求其實好簡單，只要「中看中用」就得o架喇！講就簡單，但要全面解釋呢四個字，真係唔容易。首先「中看」即係要合佢眼緣，人人口味唔同，靚仔都唔一定合阿妹眼緣，令到片商十分頭痕。第二「中用」即是持久、粗壯、有技巧，要搵呢類男優基本上就唔難，但阿姐又話要講Feel，咁樣做出嚟嘅效果先夠肉緊。片商頭痕之餘又要盡力滿足佢，鬼叫佢紅咩，惟有揸頸就命，佢話點就點啦！

隨時劈炮

此外，Alektra對於前奏工夫尤其重視，最唔鍾意橫衝直撞嘅對手，因為一味得個衝字，不解溫柔嘅男人，唔能夠挑起佢嘅性慾，不過一旦對手在前奏部分已經挑起佢嘅性慾，隨時打真軍都冇問題，如果對手表現欠佳，令阿妹唔高興嘅話，又會隨時劈炮唔撈o架！咁有性格嘅四仔脫星真係好少見，所以片商喺開戲之前，大多會介紹個男主角畀佢認識，等佢哋溝通一下，直至阿妹有晒Feel先進行拍攝工作。

投入演出

其實Alektra都係性情中人，拍戲期間都試過幾次拍出真感情，雖然最終未能開花結果，但係埋牙肉搏嘅時候，就試過真情流露，連導演嗌Cut佢都聽唔到，繼續同男星砌個不亦樂乎，非常投入，所以阿妹坦言臨近收山，一定要寓工作於娛樂，既然要砌就一定要砌得開心，留番一個美好回憶畀自己，將來老咗亦可以回味。

Alektra Blue's Profile

年齡：26歲

身高：5呎6吋

三圍：34D-24-34