下唇凸出 性慾未滿足
下唇凸出 性慾未滿足
大家有冇留意，每當有人搶走小朋友嘅玩具，佢哋會扁嘴之餘，仲會將下唇向外推，令下唇凸出，然後放聲大哭。原來下唇凸出，就係慾望未能滿足時嘅自然反應，所以女士們如果下唇凸出，咁佢一定係處於慾求不滿嘅情況！
囡囡所欠缺嘅慾求，未必同性慾有關，總之內心就係出現咗不平衡嘅狀況，如得不到滿足，只會令佢哋嘅下唇愈凸愈出，影響埋儀容就大件事。感情方面，由於內心感覺唔平衡，所以對愛情無法認真享受。
例如女朋友好恨升職或者想要個天價手袋，短期內根本無法實現得到，佢哋就會行唔安、坐唔樂咁不停左思右想，對身邊嘅一切事物，包括男朋友，甚至性慾都可以置諸不理，所以感情運都幾差，當慾望滿足後，情況就會好轉少少，但好快又會為新嘅慾望而自尋煩惱。