小事化大
小事化大
肥浩同小美拍咗拖成10年，最近終於拉埋天窗，而為咗令大家婚後夫妻和睦，減少不必要嘅摩擦，肥浩就同小美咁講：「結咗婚之後，我哋就成為一個共同體，當然大家生活起上嚟總會有部分唔能夠協調，俗語都有講啦！男主外，女主內，所以我就提議，以後小事情就由老婆仔你做決定，大件事由我做主一力承擔啦！」小美含情脈脈咁話：「好啦！」
早有預謀
二人結婚大約3年之後，某一日，肥浩去內地公幹完歸家，突然好嚴肅咁同小美講：「老婆，我有一件小事，想搵你商量一下。」正懶懶閒睇雜誌嘅小美就問：「有咩事呀？快啲講啦！」肥浩有少少口窒咁話：「我……想畀少$4,000家用。」小美驚問：「點解呀？」肥浩就話：「因為……我想用$4,000嚟包二奶！」小美嬲到拍晒枱，怒罵：「咁大件事，你都同我講話係小事！」肥浩即刻話：「你話o架！既然係大件事，咁就由我自己決定番囉！呵呵！」