人中上窄下闊 老婆滿足
人中上窄下闊 老婆滿足
人中同女性朋友有住非常密切嘅關係，可以話影響一生，但係人中又對男性朋友有乜影響呢？原來主要講佢哋嘅晚運，如果上人中較窄，而下人中較闊嘅朋友，性格方面寬人嚴己，早年生活會十分艱苦，但懂得自尋樂趣。到咗晚年，就能享受辛勞嘅成果，子孫滿堂。
有相書話佢哋一世好命，其實只係佢哋知足常樂，唔為物慾嘅事而煩惱。愛情方面，由於冇乜本事，會好錫老婆，只要老婆肯一齊捱，大多數都可以白頭到老，絕對唔會見異思遷。
而喺床上嘅表現，人中上窄下闊嘅朋友，大多數都抱住寬人嚴己嘅態度做人，所以老婆唔喺身邊，都絕對唔會偷食，只要老婆有需要，佢哋一定會盡全力滿足，所以做佢哋老婆，喺性方面一定可以得到滿足，難怪捱苦捱窮都甘心相陪！