玩到過火易整親

食色性也，面對住一隻剛剛出爐、皮薄香脆嘅化皮乳豬，相信大家一定會忍唔住口，食個痛快！理得佢甚麼脂肪、膽固醇，將減肥大計拋諸腦後，總之滿足咗自己嘅口福先算！

同樣地，當心儀嘅女性點頭答應上床，男士們亦一樣會勇往直前，一開始就處於極度興奮狀態，先剝光豬再嚟個激情擁吻，繼而拿拿聲上床交鋒。突然間，男方「哎吔」一聲，原來係因為動作太過激烈，整親條腰。呢個經驗可能唔少仁兄都試過，尤其係英國男士添！

樂極生悲

英國PhonePiggyBank嘅網站，早前進行咗一個大型電話訪問，發現接近三分一嘅英國男士都曾經試過因為激烈床戰而受傷。當中嘅四成人同時表示，激戰時曾經引致傢俬損壞。至於首5位最容易引致受傷嘅開戰地點，分別係櫈、廚房、花園、廁所以及茶几。而最常發生嘅意外就係拉傷肌肉、整傷背脊、火燒地氈、扭傷頸部、骹位受傷等。正所謂樂極生悲，埋身肉搏時無論幾興奮幾刺激，都要玩得小心，好似幾年前有位仁兄就係因為動作過激，搞到陽具折斷，聽見都覺得赤赤痛呀，陰功！