貴氣刺激

老友話與伴侶同床多年，感覺有時都幾悶，為咗增加閨房樂趣，於是佢到情趣用品店買震蛋同震棒，諗住可以帶畀Honey驚喜，點知女方唔肯玩之餘，仲話佢變態，令佢心情Down晒！我同老友講，唔係佢嘅錯，只要換上貴氣十足嘅情趣玩具，包保Honey會好鍾意，愛不釋手添！

寧靜金屬棒

呢款名為Jimmy Jane Little Chroma嘅震棒，長約5吋，外殼以鋁合金製造，金屬質感比起一般塑膠製嘅震棒來得更有貴氣。此外，震動裝置經精心設計，玩起嚟特別寧靜，唔會發出煩人嘅「吱吱」聲。再配合埋防水設計，無論喺床上或者浴室玩都一樣咁過癮啦！

呢隻十足一隻四頭鮑嘅震蛋Lelo Alia Vibrator，Honey見到不但會好驚喜，仲會驚叫添！皆因外形設計簡約高貴之外，仲備有6種不同頻率嘅震動功能，中央嘅「鮑魚心」剛好刺激女性嘅陰蒂，震起上嚟下下到肉，想唔High到高聲大叫都幾難！

為人好色，但數口甚精，為購買女優寫真與情趣用品，經常四出格價，誓要以最Cheap價錢買得最正精品。