入夢大法

最近嘉嘉神情呆滯，返到辦公室工作嘅時候更加顯得神不守舍，男同事肥浩就問佢點解咁冇精神啦！嘉嘉就話：「呢幾晚，雖然都好快入睡，但係晚晚都發夢見到一個赤裸裸嘅陌生男人，不斷追住我，最後仲捉住我做愛，令我喺夢中疲憊不堪。」肥浩就話：「你咁後生，仲有綺夢發都唔出奇，不過每次都係同一個陌生男人，仲要死追住你，你可能撞到污糟嘢喎！」嘉嘉好驚訝咁話：「咁點算呀？」肥浩諗咗一諗之後，就從櫃桶拎咗一張相再放入一個信封，然後交畀嘉嘉話：「入面張相來自一個神，你將佢放於枕頭底，應該可以喺你發夢嘅時候幫手趕走個陌生男人！」

嘉嘉當晚就返屋企試，到咗第二日，嘉嘉個樣仲虛弱過前一日，見到肥浩之後嬲到想上前打佢！打完之後佢就同肥浩講：「做乜畀張加藤鷹嘅相我呀！搞到我發夢嘅時候，見到佢趕走個男人，然後搵我試加藤鷹之手，我差啲虛脫咁滯呀！」肥浩一臉愕然咁話：「加藤鷹有日本男優之神嘅美譽，而且仲識打摔角，我諗住佢會幫到你咋……」