乳暈有毛衰多口
乳暈有毛衰多口
好多男士嘅乳暈位置都會長幾條毛毛出嚟，代表佢哋好有個性，而且性慾旺盛，但如果囡囡嘅乳暈位置都生有毛毛咁又代表乜嘢呢？原來係代表小器！男人有個性，爭大圍嘅利益，但女士個性強，只會爭眼前小利，所以畀人小器嘅感覺！
而喺愛情路上，佢哋會比較主動，而且勇於表達愛意，所以兩人拍拖，佢哋往往係先表白嗰個。佢哋要搵男朋友唔太難，但要經營一段愛情，就似乎唔多掂，由於個性敢言，男朋友有乜嘢唔妥都會出聲，成日吱吱喳喳，會令人煩厭！
喺性事上，佢哋十分主動，而且敢於學習新嘢，所以呢方面會加分；至於性慾方面，會比較強一些，但往往唔係生理需要，而係要認叻，加上衰多口，經常會喺事後或者埋牙時，批評對手表現，令男朋友十分冇癮，唔想冇運行，就要收吓把口喇！