奇聞趣事：元朗樓上髮廊北嬸任揀

前排喺深水埗有人將啲空舖簡單布置，之後就放幾條北嬸喺度搵食，一時間搞到深水埗都有唔少同類髮廊出現。最近呢啲流鶯入舖嘅現象就吹到去元朗，但由於該區地舖租金高昂，所以雞頭就選擇開喺單幢式大廈嘅二、三樓，方便同道中人上樓搵囡囡。

不過，啲囡囡喺晒樓上，客人又點識搵上門呢？原來佢哋會搵專人喺街度派傳單，內容就話喺某某大廈內有新到北妹提供全身按摩，客人如果有意思自然會上去睇吓。上到去一門鐘，就會有雞頭嚟開門，屋入面，通常會見到十個八個北嬸坐咗喺度，雖然話有時會有年輕北妹坐鎮，但機會就唔多。按摩價錢就一百蚊一粒鐘，反而短敍就百五至二百蚊有交易，如果客人揀中囡囡，就要去附近嘅公寓開戰。如果客人跟佢哋去相熟嘅公寓嘅話，仲會有折頭添！

皮哥簡介

線眼遍布港九新界，有料就去八，有蠱惑收王之稱，人生目標係八盡天下事。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk