豪場賣套票

聽到深圳很多規模中小型的夜場經營者都做到心灰意冷，對比起澳門夜生活的一片興旺，特別顯得前者的淒涼。「啲大型嘅俱樂部、夜總會都仲有得做嘅，其實都唔止關背景事，因為深圳已經發展起嚟，一個繁榮社會，呢類型嘅高檔消費場所就點都需要，你招呼客人都要有啲似樣嘅場所o架！反而嗰啲藏污納垢嘅中細場，引起嘅問題仲多，有關當局梗係掃之而後快啦。」一位深圳夜行友人如此跟我說，信嗎？我覺得很大可能。

回說澳門街，又有新場開張了，這次是夜總會，同樣設在全新的星級酒店之內，同樣落足本錢將場面搞得極盡奢華，還捨夜總會之名而以會所稱之，就是希望帶來另一種氣象。不過說到消費，竟然也同樣賣起幾百元埋單的套票來，夠抵玩吧！

我去過現場看，負責人說花上千萬元去裝潢，我信！這樣的場面，花上千萬，真不是誇張！「咁揼本點解要做套票客？」這是很多人的疑問。答案也沒有出人意表，「你要間場女數夠多，就一定要做套票客Keep住個客流量，咁貴客上嚟先會多女揀o架嘛。」這個道理，我明。