爆乳舞者娜娜

好耐都冇見過玩民族風嘅手辦模型喇！而今次介紹嘅呢個模型就糅合咗印度風格，絕對係近期少見。呢個咁特別嘅模型，其實係嚟自人氣十八禁動漫《Queen's Blade Rebellion》（港譯：女王之刃 叛亂篇）中嘅其中一位索爆女角、有「月影之舞者」之稱嘅娜娜。

糅合印度特色

對於動漫迷嚟講，相信對《女王之刃》呢套動漫唔會陌生。事關故事中嘅女主角，個個副偈都係極為誇張─巨乳、蛇腰、美腿同誘惑美股，試問有邊個動漫迷唔睇到心跳加速呢？而喺續集中，就承襲咗第一集嘅故事發展。講述自從雷雲之將喺決定國家女王人選嘅比武大會「女王之刃」中，打敗咗前任女王「逢魔女王」後，至今已經四年，亦係時候選出新任女王，於是新嘅挑戰者就群集國家首都，角逐成為新一任女王，而娜娜亦係其中一個參賽者。

其實娜娜係嚟自南方密林深處、卡利把拉族嘅最強戰士，而為咗凸顯南方民族嘅形象，設計師特意糅合印度傳統風格，成為一個與別不同嘅角色。今次嘅娜娜模型，不但身材相當標青，而性感到近乎全裸嘅裝扮，更係佢引人入勝嘅地方，加埋一條激細嘅底褲，同埋配合「月影之舞者」嘅優美舞蹈動作，絕對係令人心跳嘅作品！