奇聞趣事：今年聖誕興包場

仲有一個月就到聖誕節，巿面上都開始見到聖誕燈飾，本地嘅夜總會都唔執輸。好似前日我落咗旺角某間陀地場，同老總平哥吹水，聽佢講聖誕同新年嗰幾日，已經全部爆晒Booking，只係剩番26至28號嗰三日仲有位；起初都聽唔明佢講乜嘢，再問清楚，原來佢哋將聖誕節嗰幾日，租畀客人包場嚟玩，有地方、有嘢飲，仲有嘢食，囡囡方面就要客人自己搞掂。其實平哥早就同囡囡講掂數，由囡囡出面去氹客人包場嚟玩，客人嘅女伴自然就係平哥啲囡囡，除咗賺到枱鐘，囡囡仲可以從中抽取客人消費嘅提成，真係一家便宜兩家着，可以齊齊搵到錢。萬一客人帶多咗男仔上嚟，唔夠女伴又點算？平哥話啲囡囡拍心口話包喺佢哋身上，到時一定有女陪，平哥話咁做仲好，乜都唔使煩，等收錢。

皮哥簡介

線眼遍布港九新界，有料就去八，有蠱惑收王之稱，人生目標係八盡天下事。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk