男士咪自卑

早前老友A結婚，我對佢呢個決定相當敬佩，仲忍唔住為佢流下男兒淚！因為佢老婆潑辣又難頂，絕對係典型港女！最慘仲係多年來幾乎要佢斷絕同朋友嘅正常社交活動，直情要將老友A軟禁一樣！然而，有朋友就話佢雖然喺表面上做到卑躬屈膝，但話唔定佢喺床上反客為主，攞番話事權，重拾自尊呢！

普遍表現差

講得啱，男人大部分嘅自尊都要靠自己喺床上面爭取返嚟，不過，事實上好多男人都對自己嘅性能力唔多滿意，甚至感到自卑！早前英國訪問咗超過4,500名男士，從一系列有關床上表現嘅問卷中，綜合出有68%嘅男士有早洩問題，可見呢個問題相當普遍，所以大家亦唔需要覺得自卑。而有47%男士最希望交歡時間可以長達10分鐘，相信呢個亦係好多男人嘅終極目標。另外，有19%嘅男士覺得自己好難維持勃起狀態至完成整個交歡過程，其實能夠順利完成任務已算唔錯，因為好多早洩男，未入門口就派彩啦！事關有22%嘅男士話自己勃起過早，到埋牙嘅時候就啱啱好頂唔順而變番軟皮蛇！