世界波：拍豆腐片嘥氣力

唔少影迷都認為脫星拍豆腐片最舒服，事關唔需要同男優激烈肉搏，理應好輕鬆，慳番唔少工夫。不過，脫星Blonde Cat就唔認同，佢話拍豆腐片比起演出男女床戰更操勞，有苦自己知喎！

現年21歲嘅Blonde，出生於匈牙利布達佩斯，佢跟好多東歐國家嘅女仔一樣，加入美國四仔界當脫星，目的係為咗搵快錢。由出道至今，Blonde參演過唔少豆腐片，憑着落力嘅演出博得唔少影迷支持，更成為唔少女同志嘅偶像。

花時間入戲

早前Blonde接受一成人網站訪問時，表示拍豆腐片係最辛苦同最花時間：「因為對手唔係男人，所以同另一位脫星合作嗰陣，就要花更多時間去熱身至可以入戲。仲有，拍豆腐片需要兩個脫星互相配合，如果其中一方經驗不足，動作唔夠美感，又或者唔夠合拍嘅話，出嚟嘅效果自然大打折扣，甚至導演會唔收貨，要求重拍，所以真係幾麻煩同花時間o架！」Blonde又話，相反演出男女床戰就輕鬆得多，事關佢可以攤喺床度任由對手發揮，而佢只需要配合對手鬼殺咁嘈就得，唔使出咁多力水咁話。

努力博上位

既然講到拍豆腐片咁辛苦，唔知Blonde會否考慮轉拍其他片種呢？阿妹就話：「我都曾經有諗過呢個問題，但由於女同志市場龐大，影碟銷量理想，我所得嘅花紅愈來愈多，若然有機會孖住個知名脫星做戲嘅話，更可以令我聲名大噪，隨時躋身一線脫星之列添！」Blonde又話，家吓就算幾辛苦都會忍耐，而且會勤力啲拍片，他日成功上位做咗一姐嘅話，到時就可以有權揀自己鍾意嘅題材嚟拍，唔使好似家吓咁辛苦喇！

作品推介

片名：《Super Glam》

內容：片中Blonde Cat跟幾位脫星大玩豆腐遊戲，除咗手口並用之外，更利用各式各樣嘅性玩具將對手弄得欲仙欲死。

Blonde Cat's Profile

年齡：21歲　

身高：5呎4吋　

三圍：32B-24-36