RQ版美女時計
RQ版美女時計
車壇一年一度嘅盛事，澳門格蘭披治大賽正進行得如火如荼，熱愛賽車嘅車迷一定唔會錯過欣賞激烈嘅賽事！然而，除咗風馳電掣嘅飆車場面之外，於賽道旁邊為車手打氣嘅賽車女郎，亦係唔少車迷嘅心頭好。
提到賽車女郎，近年亞洲區如內地及韓國嘅賽車女郎，質素甚高，樣靚又有身材，一身短裙加低胸裝打扮，每每令現場氣氛更加火辣！而日本嘅賽車女郎亦一如以往，個個索到啪啪聲！
入圍佳麗
較早前，日本就舉辦咗一個「全日本冠軍F1 Race Queen大賽」，選出來自日本各地區嘅超優質賽車女郎！如果大家想知道佢哋有幾索，咁又唔使去日本，因為大會為佢哋製作咗一套美女時計！只要大家Click上網就可以隨時隨地欣賞！
呢套RQ美女時計，同一般嘅美女時計一樣，每分鐘都會有賽車女郎舉起時鐘牌為大家報時，令大家時刻都可以對住班魅力非凡嘅賽車女郎！就算冇落場砌車都一樣感受到場上嘅熱烈氣氛！