眼尾上吊唔襟激
眼尾上吊唔襟激
曾經介紹過眼尾向上吊嘅囡囡，性格比較自我，特別重視個人形象，至於眼尾向上吊嘅男性，又代表乜嘢呢？原來相書話佢哋往往自視過高，太過目空一切，所以大多數配有幼眉，代表佢哋工作欠缺助力，身邊冇朋友、同事等人幫忙，所以運程一般，只適合做個人手藝嘅工作，例如設計、寫作等，只要唔使同人接觸，大多數都可以有唔錯嘅成就。
至於愛情運方面，由於天生才氣橫溢，所以就算為人難相處，往往都會有囡囡唔識死舂個頭埋去，如果好彩忍到佢哋啲臭脾氣，咪可以開花結果囉！
至於喺床上嘅表現，平時佢哋會表現得一啲都唔起勁，但若伴侶事前提及過舊情人或欣賞某某男星，佢哋就會受到刺激，喺床上表現得異常勇猛，事後仲會揶揄女伴嘅過氣舊情人或欣賞嘅男星唔掂添！