超豪夜場 索女列陣

曾經有資深夜場人士講過，澳門嘅夜遊業，將會成為全世界最聲色犬馬嘅夜遊「性」地。不論賭場、夜總會及骨場，都會係世界第一流水準。呢番說話真係冇講錯！事關澳門基建工程不斷，而夜遊玩法亦隨之改變，今個月開始，就有一間六星級豪華夜場正式登場，勢必掀起新一輪馬交風雲！

現時澳門最豪華嘅夜總會，一定係位於凱×門酒店嘅「9號會所」。佢由中×城夜總會原班人馬主理，加入嶄新經營模式，摒棄古舊嘅室內裝潢，取而代之嘅係奢華歐洲風×現代感設計。負責人表示，場內擺設及設計意念都來自歐洲，而大堂門口六支作鞠躬狀嘅人形座地燈，更係名師設計嘅過百萬貨色！

品味豪裝 格調高雅

為營造空間感，令客人感覺更舒適自在，大堂面積已接近過千平方呎。負責人表示，全場佔地約4萬平方呎，場內可同時容納數百位客人一同玩樂。而為凸顯客人尊貴身份，於酒店大堂設有獨立客(車立)直上夜總會，場內共有8間豪華主題VIP房，內裏傢俬擺設都價值連城。房內梳化全由人手製造，自歐洲入口，房內嘅水晶吊燈，合共價值超過百萬！

捽一捽 落Order

作為一間夜總會，除咗豪華配套，其實囡囡同服務質素先係重點。家陣人人都手執一部iPhone、iPad捽捽捽，負責人亦都與時並進，於試業期間大搞「i點服務」。只要客人下載佢哋嘅Apps，就可以透過iPhone或iPad落單，暫時會提供點餐服務，若然客人反應好，遲啲仲會推出埋預訂服務，話唔定仲可以喺iPad揀女添！負責人更表示，場內將有10多部iPad供客人使用，更有專人教導如何操作，服務果然貼心。

高質靚女 訓練有素

當日小弟跟隨大隊入場，由見到門口第一位知客開始，生理同心理都持續喺亢奮狀態，皆因場內囡囡全部都勁高質。其中一位叫做Yoyo嘅靚女PR，樣子清秀、波挺腰幼，配合一條火紅Deep V晚裝裙，簡直就係完美嘅化身。而另一位着高衩踢死兔嘅Lei Lei，當佢跳住舞咁行埋嚟我身邊時，真係好似睇緊百老匯歌舞劇一樣咁正！

同行「團友」話新場開張，女靚係基本條件，但得個殼似乎難以滿足今日嘅客人要求。負責人則表示，早於開張前一年，已做好準備，用多年嚟嘅營運經驗，請保母專責培訓新入職囡囡，務求令每位囡囡都做到儀態萬千，談吐得宜。

PR文文話：「作為一個專業PR，首先要識得製造氣氛，精通所有枚技；其次係酒量要好，亦要對酒類有一定認識，咁就可以因應客人口味同心情推介不同酒類。而且平時一定要睇多啲書同報紙，不論係新聞政治、科技潮流、生活品味樣樣都要知，咁先可以陪客人風花雪月、消除壓力o架嘛！」阿妹講到咁專業，一於坐埋嚟吹兩嘴，睇吓係咪真係咁巴閉先！