爆乳黑魔導瑪娜

講起黑魔導士，好多人都會聯想到佢同邪惡、陰險有關，但事實上，黑魔導士唔一定係奸邪之輩，只要發揮吓想像，都可以係個既可愛又性感嘅索女，好似人氣動漫《遊戲王》其中一個女角色黑魔導女孩瑪娜，就係其中一個例子喇！

可愛養眼

如果閣下係動漫迷嘅話，相信唔會對《遊戲王》呢部漫畫感到陌生。故事講述擁有千年道具嘅人，就可以主持靈魂墮入黑暗深淵嘅黑暗遊戲。男主角武藤遊戲，因擁有古埃及法老王嘅千年道具—「千年積木」，以致人格分裂及令佢陷入漫長嘅戰鬥中。至於黑魔導女孩瑪娜，就係佢經常使用嘅其中一張遊戲卡嘅人物。

雖然瑪娜喺漫畫中唔係經常出現，但身材惹火又性感，十分養眼，因而迷倒唔少漫畫迷。今次瑪娜呢個Figure造型唔止忠於原著，將佢可愛嘅一面表露無遺之餘，驕人嘅身材更係若隱若現，十分誘人！另外，玩家可以換上單眼表情嘅頭部，增添調皮感。

全　　高：約180mm

售　　價：$7,140（約HK$678）

預售日期：2011年3月