年紀愈大愈不設防

少女未婚大肚嘅消息時有聽聞，但好多少女嘅命運最終都係悲劇收場，真係令人心酸！因而惹起社會議論，甚至認為政府應該投放更多資源推行性教育，以免青少年忽略安全性行為嘅重要。

少男安全意識高

不過，係咪愈後生嘅，就愈唔做足安全措施呢？原來事實又未必喎！因為，較早前美國印第安納大學進行咗一項大型性事調查，總共訪問咗3,457名年齡介乎14至94歲嘅男女。當中比較有趣嘅調查結果，發現能夠引發高潮嘅方法除咗係埋牙抽送之外，用口以及互相愛撫亦都可以達到目標。不過，調查結果最令人驚奇嘅，係有關男女交歡時使用安全套嘅習慣。就以14至17歲嘅組別為例，79.1%嘅男仔都會使用安全套，而女仔只得58.1%，結果顯示女仔安全意識較男仔低好多，所以大家唔好再話令少女大肚嘅原因，係男方故意唔戴袋喇！

另外，結果同時顯示，年齡愈大，使用安全套嘅比例就愈低，好似45至60歲組別，男方使用比率得13.7%，女方則只係9.7%。即係話已經為人父母嘅，安全意識都唔夠，又點教啲仔女要做足安全措施呢！