枯黃眉一時一樣
枯黃眉一時一樣
男人條眉一定要生得好，咁做人做事都會順利啲，常見嘅眉毛都係黑色，但如果男人條眉生得枯黃暗淡，原來喺相學上嚟講係大凶之相，會有意外事件發生，而且更會牽涉生命危險，所以認真要事事小心，尤其要保重身體，盡量少煙少酒。
至於其他運勢方面，則要配合其他五官嚟睇，但就算年輕時事業做得幾成功都好，一到30歲行眉運，就會出現大逆轉，有機會變得一無所有，但如果過咗34歲後至發現眉毛枯黃，咁就只需要小心身體，建議如果眉色真係太淡，可以染黑佢改改運程。
至於情愛方面，佢哋比較孤獨，唔識同人相處，照計冇乜女人緣，但身邊總有啲母性特別豐富嘅囡囡會為佢哋犧牲一切，所以喺真誠打動下，佢哋都會欣然接受。性愛表現上，喜歡自把自為，有時晚晚需索，有時就修心養性，令伴侶難以捉摸！