性文化節高雅不成

第八屆廣州性文化節，剛剛喺上個月尾順利舉行，今年嘅入場人數，比上年大幅下降，主辦單位就解釋話可能同門票價格上調有關。記得09年嘅票價只係¥20一張，而今年就加價至¥30，升幅有五成咁高，直接影響入場人數。

演出低俗 女優止步

但有網站指出，今年性文化節入場人數減少，完全同門票價格無關，只因主辦單位刻意趕絕參展商邀請知名性感女星演出，於是反應大不如前。記得舊年就有參展商，請咗幾位日本AV女優助陣，除咗性感亮相，仲大跳辣舞，令現場氣氛High到爆錶。

由於現場圍觀嘅男士太High，自然反應下狼叫咗幾聲，事後竟然惹起軒然大波，被衞道之士指摘「性文化節沒有文化」，甚至直批女優們嘅演出係「低俗行為」，搞到主辦單位勁尷尬，所以今年主辦單位明文規定，唔可以搵日本AV女優或者泰國人妖嚟演出。

有網友就質疑，今年冇AV女優出現，大會係咪就有文化咗、高雅咗呢？啲男士咪一樣色迷迷咁(目及)住波濤「胸」湧嘅內衣模特兒；更有報道話有男士連放喺度展覽嘅仿真公仔都要抽水！有中肯啲嘅網友就話，AV女優出嚟行騷，推介產品，係外國已經流行咗好多年，嗰班衞道之士竟然話人哋冇文化兼低俗，真係要好好反省一下喇！