拉丁索妞Jannelle Priego

真係造物弄人，唔知點解，溝番嚟嘅女真係特別索！唔好誤會，我講嘅「溝」係指混血兒咁解！今日細佬就介紹一件索爆拉丁妹─ Jannelle Priego畀大家。

性格反叛

阿妹係墨西哥混西班牙同意大利，仲有些少亞裔血統，但當事人話係上幾代嘅事，所以已經無從稽考！點都好，總之Jannelle就索到冇朋友啦，事關佢小學畢業後就過咗美國生活，人在異鄉加上父母離異，Jannelle話佢嘅童年生活非常唔開心！直至長大成人，Jannelle更反叛到離家出走，做成人雜誌Model，影寫真賺外快，有錢喺身就做背囊友遊歷四方。直到阿妹飽覽過所有同自己有血緣關係嘅國家後，終於發現原來都係美國最好，可惜雙親已經唔喺度，想扮孝順女都冇機會。

咁情況，不如玩得放啲啦！所以喺21歲嗰年，Jannelle就決定加入脫星界，憑其嬌小外形、逼爆三圍、濃眉大眼，加上充滿話題性嘅背景，一睇就知非池中物，喺四仔界跑出實屬必然。但估唔到Jannelle到現今都堅持慢工出細貨，飲飽食醉再睇心情拍四仔，阿妹話係為享受而工作，而非為生存而工作喎！阿妹，剝衫都咁多道理講，唔知我剝有冇人騷我呢？

Jannelle Priego's Profile

出生日期：1984年7月17日

三圍：34C-24-36

身高：5呎3吋