究極巨乳醫師

想知乜嘢係反地心吸力嘅究極巨乳，只要睇吓呢個《學園默示錄》中嘅爆乳女醫師鞠川靜香就得喇！呢套日本高人氣漫畫，除咗大玩深受動漫迷熱愛嘅喪屍題材外，當中嘅女角色，個個嘅心口都分量十足，配合埋大量爆衫露底嘅場面，唔怪之得呢本漫畫咁受動漫迷嘅喜愛啦！

《學園默示錄》嘅故事好簡單，講述某日突然出現一群喪屍，頃刻間將日本佔領，一班男女連同爆乳女醫師鞠川靜香，為咗生存而逃亡。雖然靜香喺故事中嘅作用唔大，但仍然吸引到唔少粉絲。事關佢身材正到爆，一對反地心吸力嘅究極巨乳，加埋有啲傻氣嘅性格，深得動漫迷嘅歡心，而今次推出嘅呢個手辦模型，更係少見嘅運動服造型，令不少粉絲都熱切期待。

模型嘅外形忠於原著，唔單止一對車頭燈夠晒激凸，玩家仲可以更換成露出南半球嘅造型，更添視覺效果！此外，玩家仲可以除埋佢條運動褲，將佢搖身一變成為露出性感底底嘅誘人造型，試問有邊個唔睇到心跳加速呢？

全高： 約210mm

售價： ¥7,980

（HK$758）

預定發售日：2011年5月