方面男床上暴君
方面男床上暴君
好多男性都係方字面形，原來喺相學上嚟講，呢類人嘅優點係工作能力強，就算遇上重重挫折，都會堅定不移咁完成任務，所以好多成功人士都係方形面，但大家有冇留意，方形面嘅老闆係多，但佢哋通常都不受伙記愛戴，背後成日畀人講壞話。
主要原因係佢哋自我意識太強，未成功時已經係咁，到佢得盡天時地利之助，令事業取得成功時，就更加相信自己嗰套係正確嘅，唔會再聽其他人嘅勸告。
由於成日都一意孤行，又難相處，於是拍檔同員工都會生異心，事業長遠難以發展，認真要小心。
佢哋喺床上嘅表現，其實同佢哋嘅人生一樣，好多時都自以為是，只要自己諗到覺得過癮嘅新招，就唔會理會伴侶嘅喜好，係都要強行演練，如果試咗多次都失敗，就會歸咎於女伴唔合作，所以做佢哋嘅女人都幾慘吓！