月野莉莎出潮Tee
月野莉莎出潮Tee
今日嘅AV女優唔再係拍AV咁簡單，皆因AV公司有本事將呢班女優變成潮流Icon，連班所謂超模、o靚模都要借歪呀！N年前先有麻美、吉澤明步、吉崎直緒等一大棚女優為關懷愛滋活動搞Tee出力，搞搞吓，呢班生意佬發現有利可圖，癡心影迷好似排限量潮物咁喪排買嘢，以致近幾年都陸續有人氣女優推出相關周邊產品。
早前細佬介紹過女神明日花嘅攬枕，未開賣已經有炒價，隔咗冇耐，h.m.p.又執多劑，呢次就搵嚟月野莉莎推出一大堆個人潮Tee。話佢潮一啲都唔過分，事關呢期啲女優Tee一啲色情味都冇，反而玩Skull圖案及森林動物等，扮晒Mastermind同Number Nine設計，任何場合都啱着，開賣¥4,800一件，接近HK$450。有黑有白，由中碼至加大碼都有，話唔定喺不久嘅將來，AV公司會開多條Line賣個人產品，到時一定仲好搵！