上薄下厚只為老公
上薄下厚只為老公
我哋講過上唇薄、下唇厚嘅男士，大多數都係自私鬼，但如果女性生有咁嘅嘴形，原來又唔衰得晒。其實大部分女性嘅嘴形都係上薄下厚，有呢種唇形嘅囡囡，相學話佢哋都好自私，但自私嘅目的並唔係為咗自己，而係為咗屋企人。
佢哋未婚前會特別顧家，自己唔捨得使，唔捨得用，將啲收入完全奉獻晒畀屋企，有時父母唔需要咁多，但佢哋都會完全奉獻，而結婚後，就會特別用心照顧自己頭家，若然先生畀唔夠家用，佢哋會第一時間補貼，所以娶到呢種老婆真係執到！
至於床上表現，佢哋向來都冇乜嘢要求，只要對手提出要求，佢哋就會積極配合，所以畀人開放嘅感覺，令唔少小心眼嘅老公憂心。但大家大可以放心，因為佢哋只會活喺自己擬訂嘅空間裏面，所以絕無外騖之心，夫婦間好好享受性愛嘅樂趣啦！