世界波：匿入Locker避狂迷

對於女仔嚟講，多人溝可以話有好有壞，好嘅固然係證明自己有魅力，但惹來大量狂蜂浪蝶都咪話唔麻煩，好似裸模Andi Pink就曾經試過要匿入Locker避難。

經常被仔圍

出生於加拿大嘅Andi，加入裸模界兩年，初出道時佢係一名大學生，亦係校內嘅風頭躉，幾乎每日都有唔同嘅男仔嚟接佢放學，又或者約佢出街食飯兼睇戲。對於被男生包圍嘅感覺，Andi坦言早已習慣，而當佢成為裸模之後，更大受Fans歡迎，每次出街都有Fans要求同佢影相簽名，甚至窮追不捨，搞到佢想一個人清靜吓都唔得。

而為咗避開呢班狂迷，Andi話曾經匿入更衣室嘅Locker，佢話：「當日幾個Fans想約我落吧飲嘢，之不過我嗰晚要開工真係唔得閒，於是咪拒絕佢哋囉！點知佢哋唔信，話我只係搵藉口，於是一路跟蹤我，真係畀佢哋激壞。為咗避開佢哋，我走入一間健身室，仲匿入更衣室嘅Locker入面，先至成功撇甩佢哋咋，唔係就有排煩喇！」Andi又話，有時遇到心儀嘅男仔，原本都想受溝，之不過擔心對方會成為其他男仔嘅公敵，最後惟有放棄。

Andi Pink's Profile

年齡：24歲

身高：5呎3吋

三圍：32C-24-30