奇聞趣事：賣藝不賣身
奇聞趣事：賣藝不賣身
尋日我皮哥同大家講到自己一支公去咗佐敦一間舞廳，見到啲老前輩同囡囡翩翩起舞，於是即時技癢，馬上叫媽咪安排囡囡，話咁快媽咪就帶咗阿玲過嚟，佢年約30歲，鄉音未改，九成嚟咗香港冇耐。問佢識跳邊種舞？佢就話乜都識，於是音樂響起，我就同佢出舞池大跳特跳，跳到身水身汗至返埋位休息。跟住我同佢吹水，問佢喺度搵唔搵到食？佢話都可以搵到兩餐，由於有仔女要養，所以賣藝不賣身，以前做過卡拉OK陪唱，但啲客人好鹹濕，除咗抽水， 有啲仲要求去開房，唔去有時會畀人打，唔似呢度啲客人咁斯文，純粹嚟跳舞，最多都係攬吓腰摸吓手仔，所以會繼續喺度做，直至搵夠錢為止。
皮哥簡介
線眼遍布港九新界，有料就去八，有蠱惑收王之稱，人生目標係八盡天下事。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk