世界波：玩瑜伽練性招
世界波：玩瑜伽練性招
現年23歲嘅Kiara Diane，曾經係一位模特兒，主力為時裝雜誌拍攝硬照，其後由華盛頓去到紐約發展，可惜事業發展並不如意，之後經朋友介紹投身四仔畀當脫星，結果一炮而紅，所以話有時際遇嘅嘢，真係好難講。
身手更靈活
據知，Kiara入行當脫星之後，佢就愛上咗玩瑜伽，事關索女認為呢項運動可以幫助減壓，以及令到個人更加健康，同時好多瑜伽動作都需要有極大嘅身體柔軟度，令佢身手更為靈活，有助演出咁話。Kiara笑住講：「演出四仔嗰陣，導演好多時需要我做出一啲高難度嘅性愛動作，起初我都達唔到佢嘅要求，之不過自從玩咗瑜伽之後，情況就唔同，家陣就算要我做一字馬動作同男優肉搏都無問題o架！」
另外，Kiara表示喺玩瑜伽嘅過程中，令佢領悟出更多床上招式，姿勢動作亦變得更加優雅，令作品嘅可觀性更高、更吸引，對佢脫星事業有好大幫助咁話。