服務齊全

肥浩為咗應付考試，一日到黑困自己喺房度日刨夜刨。大家都知啦！成日坐，缺乏運動好容易腰痠背痛o架嘛，所以肥浩就決定抖一抖，去骨場按摩，等自己舒筋活絡，然後先再溫書迎接考試！

去到骨場，肥浩沖完個靚涼，就由經理帶入套房！入到去就見到一個相當省鏡又有氣質嘅技師等緊自己！肥浩自行趴上按摩床，技師就好細心咁幫佢按摩！按咗一陣，技師隻手開始唔規矩，不時用玉手掃佢屁股，見肥浩冇反應，更加伸手去捉住佢小弟弟！

肥浩問：「咁係咩意思呀？」技師露出一副姣樣話：「我哋呢度係邪骨場嚟o架，梗係同你玩『邪嘢』啦！」肥浩叫道：「唔使喇，齋按得喇！」技師又話：「試吓啦！唔怕話你知，我係大學生嚟o架，只係喺度做Part-time o架咋，好多客人知道之後，都話同我搞嘢零舍有滿足感。你想要乜服務我都可以滿足你o架，試吓啦！」肥浩問：「真係？咁就啱喇！我有幾條數學題唔明呀，不如你教吓我，最多陣間畀多啲貼士你吖！」