乳溝闊易踏兩船
乳溝闊易踏兩船
有啲囡囡會用Push-up Bra，勉強谷出事業線，但如果條事業線好闊，闊到好似中間有條坑咁，原來係代表佢哋性格高傲，而且性情反覆。就以一啲年輕女星為例，佢哋一心賣肉求榮，但出道後又會諸多批評新進同行，大數他人賣肉博見報唔啱！
呢種人除咗喜惡無常，情緒多變外，仲經常得罪人，所以朋友唔多，助力有限，好多時都要靠自己努力至會成功。但可惜佢哋經常揸唔定主意，食呢行飯卻怨呢行，最後大多數都會一事無成。
至於愛情方面，呢種囡囡對愛情亦都一樣，成日反覆無常，一時愛你愛到糖黐豆，一時就嬲你嬲到水溝油，令男伴難以捉摸，成日都爭吵不休，而且意見稍一不合，佢哋就會把持不住，生出外騖之心，火速結交第三者，呢啲囡囡真係追唔過！