美女裁判史楊杰代

內地體壇有唔少美女運動員，由於條件唔差，所以就算唔做運動員都不愁出路，正如呢次嘅主角史楊杰代咁，樣貌省鏡，擁有曲線玲瓏嘅身材，身為平面模特兒嘅佢，更曾經喺運動場上取得驕人成績。

出色運動員

講咗咁耐，大家有冇發覺呢位靚女嘅姓氏好少見，到底佢係姓「史」，定真係複姓「史楊」？小記搵過好多個網站，對於呢位靚女嘅姓名資料都有唔同講法，唔知邊個先啱，不過正正因為姓名如此獨特，所以特別容易令人留下深刻印象。

據知，史楊杰代喺未做平面模特兒之前，曾經係一位出色嘅現代五項運動員。五項包括：馬術、劍擊、射擊、游泳及田徑，佢早於1999年加入八一現代五項隊，隨後入選廣東省現代五項隊，並成為職業運動員。直到2006年，史楊杰代取得現代五項國際裁判資格，並喺2008年嘅北京奧運會入面，擔任現代五項嘅國際技術官員游泳副裁判。

正因為佢擁有5呎9吋身高，以及36D豐滿上圍，喺體育界嘅裁判中十分少見，難怪喺內地網絡深受歡迎，更有網站將佢評為十大國際美女裁判添！