鼻窿大 滿足性伴
鼻窿大 滿足性伴
好多人都聽過，鼻窿大會漏財，而最常見嘅大鼻窿，就係圓形嘅鼻窿，但原來生有圓形鼻窿嘅朋友，特別係女性，除咗漏財呢個缺點外，其他都係優點：例如身體會比較健康，人緣會較好，仲有就係心胸廣闊，知足常樂，做人冇乜嘢煩惱。
由於佢哋習慣咗搵幾多使幾多，所以對錢銀唔會太着緊，為人自然心胸廣闊，樂天知命，身體亦健康長壽。佢哋嘅錢，大多數都用喺自己嘅親友身上，所以甚得人心，人緣運同助力都唔錯，感情方面，只要唔涉及錢銀，大多可以白頭到老。
至於床上表現，由於為人心地好，肯為別人犧牲，所以會努力滿足性伴。無論任何要求，只要愛侶提出，佢哋都會照做，特別係女性，由於自己財力不足，經濟方面要依賴丈夫，所以更會喺床上努力討好丈夫，如果老公唔嫌佢哋係大花筒，多數可終老一生。